တိုကျို၊ နိုဝင်ဘာ-၁၉-၂၀၂၅
မျိုးဆက်(VOM)
ဂျပန်နိုင်ငံ အနောက်တောင်ပိုင်း အိုအီတာ စီရင်စုမှာ မီးအကြီးအကျယ်လောင်ကျွမ်းနေပြီး မီးလောင်ပြီး ၁၂ နာရီကြာချိန်အထိ ငြှိမ်းသတ်ဖို့ ကြိုးပမ်းနေရဆဲဖြစ်ပါတယ်။
အိမ်ခြေ ၁၇၀ ကျော်နဲ့ အခြားအဆောက်အအုံတွေ မီးလောင်ပျက်စီးခဲ့ပြီး အသက် ၇၀ ကျော် အမျိုးသားတယောက် ပျောက်ဆုံးနေတယ်လို့ စီရင်စု အာဏာပိုင်တွေက ပြောပါတယ်။ အိုအီတာမြို့၊ ဆာဂါနိုဆေးကီမှာ မီးလောင်မှုဟာ အင်္ဂါနေ့ ညနေ ၅ နာရီ ၄၅ မိနစ်မှာ စတင်ခဲ့တာပါ။
မီးဟာ ကျယ်ကျယ်ပြန့်ပြန့် ပျံ့နှံ့သွားကာ လူနေရပ်ကွက်တခုကို လောင်ကျွမ်းခဲ့ပြီး ပတ်ဝန်းကျင်ရှိ သစ်တောတွေကိုပါ လောင်ကျွမ်းနေပါတယ်။ အင်္ဂါနေ့ ည ၁၁ နာရီ ကျော်အထိ အိမ်ထောင်စု ၁၁၅ စုမှ လူ ၁၇၅ ယောက်ဟာ အနီးအနားရှိ ရပ်ရွာခန်းမ တခုမှာ ခိုလှုံနေကြပါတယ်။
မီးလောင်မှုဖြစ်ပွားခဲ့တဲ့ လူနေရပ်ကွက်ဟာ မြို့လယ်ခေါင်ရဲ့ အရှေ့ဘက် ၂၅ ကီလိုမီတာခန့်အကွာရှိ ဆန်ဂါနိုဆီဂီ ငါးဖမ်းဆိပ်ကမ်းနဲ့နီးပြီး တောင်တန်းတွေ ဝန်းရံထားပါတယ်။ “ မီးတောက်တွေ လျှံတက်ပြီး ကောင်းကင်က အနီရောင်ပြောင်းသွားတယ်။ လေကလည်း အရမ်းတိုက်နေပြီး ဒီလောက်ကူးစက်သွားမယ်လို့ ထင်မထားဘူး “ လို့ မြို့ခံအမျိုးသားတယောက်က ပြောပါတယ်။
မီးဟာ တောင်တွေပေါ်ကိုပါ ကူးစက်နေတယ်လို့ နောက်ထပ် ဒေသခံတယောက်က ပြောပါတယ်။ အိုအီတာမြို့မှာရှိတဲ့ အိမ်ခြေ ၃၀၀ လောက်ဟာလည်း လျှပ်စစ်ဓါတ်အား ပြတ်တောက်နေပါတယ်။ အိုအီတာစီရင်စု အုပ်ချုပ်ရေးမှူးကတော့ အလားအလာရှိတဲ့ ပံ့ပိုးကူညီမှုတွေအတွက် ဂျပန်စစ်တပ်နဲ့ ဆွေးနွေးနေတယ်လို့ ပြောပါတယ်။
Ref:NHK/CNA
Photo:AFP
